Na reunión de hoxe repasáronse as propostas incorporando algúns datos novos, coma os custes do Servizo de Prevención en subcontratación, estimación de aforro fundición na vertical do 5 e custes taxis San Cibrao.
Aportáronse novas propostas como a utilización do gas refinería para fundición, vaise estudar o impacto económico que tería esta alternativa ó gas natural.
A Representación da Empresa aclarou algúns datos económicos que quedaran pendentes relacionados cos custes de aluguer de maquinaria, os cales demostran o aforro que existe si os temos en propiedade na gran parte deles.
Proponse á Representación da Empresa facer unha correcta optimización dos recursos humáns, como a certificación de máquinas que actualmente se subcontrata a empresas exteriores dispoñendo de recursos propios pra facelo.
A Representación da Empresa nos fai unha presentación breve de como se atopa o mercado nas plantas de Avilés, San Cibrao e Fusina onde nos amosan un incremento claro de produción de lingote T, en detrimento de outros produtos con valor engadido (placas e tochos). Infórmanos da situación actual do laminador confirmando que na actualidade non hai ningunha oferta por el.
En resumen: Despois de tres reunións o que si queda claro e que hai marxe de aforro nas propostas da Representación dos Traballadores e acordamos que se cuantifiquen en breve na súa totalidade.
A próxima reunión celebrarase o martes vindeiro 28.
No hay comentarios:
Publicar un comentario