Concentración diante da Delegación do Goberno

Proposición non de lei e preguntas sobre a interrumpibilidade de Alcoa presentadas polo BNG no Congreso dos Diputados. (9-9-2015)

Manifestación venres 21 de Agosto

  Acude a manifestación que sairá da praza de María Pita as 21 horas

 

 

TRAE A TÚA CAMISETA LARANXA...AS VELAS PONAS O COMITÉ DE EMPRESA !!!

Marcha a Santiago

Dende CIG pedímosche todo o apoio que poidas dar á marcha a pé a Santiago que está convocada dende o Comité de Empresa

A CIG chama a saír á rúa este Primeiro de Maio para reclamar ‘Contra a pobreza, emprego e Salarios Dignos”

Manifestación na Coruña: ás 12:00 horas desde a Praza de Vigo

A CIG convoca para este Primeiro de Maio 12 manifestacións que percorrerán as cidades e principais vilas de Galiza baixo o lema “Contra a pobreza. Emprego e salarios dignos”. Así o anunciou o secretario xeral, Suso Seixo, quen compareceu esta mañá en rolda de prensa acompañado do secretario confederal de Comunicación, Francisco Miranda Vigo.
A CIG optou por este lema porque, tal e como explicou Seixo, desde o comezo da crise se perderon en Galiza miles de empregos e, parello a isto, produciuse un empobrecemento xeneralizado da clase traballadora. Para demostralo lembrou que “o único tramo de asalariados/as que medrou nos últimos anos foi o que cobra a metade do SMI”.
A este respecto denunciou que hai máis de 177.000 persoas que son consideradas como “ocupadas” polas estatísticas pero cuxos ingresos brutos son inferiores a 1.872 euros ao ano e afirmou que “con 150 euros brutos ao mes non podemos consideralas empregadas”. Por iso ás 275.700 persoas desempregadas que dá a EPA a CIG engade esas preto de 200.000, co que “en realidade estariamos falando de medio millón de parados e paradas”.
Xunto a isto denunciou o empeoramento da situación que constatan os datos da EPA do I Trimestre deste ano, cun aumento do paro en 11.900 persoas; o incremento do número de familias con todos os seus membros desempregados, superando as 94.000; perda de 12.900 ocupados/as; unha importante caída da poboación activa, especialmente entre os 20 e 34 anos, e unha perda de poboación en xeral.
Datos que avalan a denuncia que a CIG vén facendo desde hai anos e “que o PP nega”, lembrou Seixo, dunha emigración masiva da mocidade que, alertou, terá graves consecuencias para o futuro de Galiza.
Seixo denunciou ademais que as políticas do PP tampouco permitiron mellorar a situación económica e salientou que, de feito, “Galiza crece menos que a media do Estado, un 0,4%, fronte o 1,4% da media estatal”.
Fronte este panorama o secretario xeral da CIG fixo fincapé nas alternativas defendidas pola central sindical que mesmo impulsou unha ILP que chegou ao Parlamento co aval de máis de 31.000 sinaturas, pero que foi rexeitada pola maioría absoluta do Partido Popular e co voto en contra de membros do goberno Feijóo que só entraron no pleno para emitir o seu voto en contra.

Precariedade
O secretario xeral da CIG denunciou tamén a perda de emprego fixo e a tempo completo, que foi substituído por emprego temporal e a tempo parcial. Unha situación que afecta especialmente á xente nova e da que fixo responsábeis ás reformas laborais emprendidas primeiro polo PSOE e logo polo Partido Popular.
Neste sentido, lembrou que estas reformas, que tiñan como obxectivo provocar unha perda de dereitos laborais e salariais so pretexto de abaratar os custos de produción para favorecer así a exportación, só serviron para provocar un incremento das desigualdades sociais cun empobrecemento xeneralizado da clase traballadora galega ao tempo que se incrementaron os beneficios para as rendas altas e as grandes fortunas.
A isto engadiu que segundo “os datos máis recentes produciuse unha caída nas exportacións e incrementouse o déficit comercial” o que o levou a concluír que estas políticas foron “un fracaso” porque, aínda que poderían favorecer ás grandes empresas, “son demoledoras para as pequenas e medianas, que dirixen a súa produción ao mercado interior e que son as que crean emprego en Galiza”.
Asegurou que “ese é o modelo contra o que estamos loitando” porque “aboca á clase traballadora a unha situación de pobreza mesmo tendo emprego” e fixo un chamamento a participar nas manifestacións convocadas pola CIG, en demanda de emprego e salarios dignos e duns servizos públicos, máis necesarios que nunca para atender a quen hoxe está nunha situación máis desfavorecida por mor destas políticas.

Nota: esta mensaxe foi enviada desde un enderezo de correo electrónico que non acepta mensaxes entrantes. Por favor, non respondas esta mensaxe, para calquera tipo de consulta ponte en contacto coa túa Unión Local ou Comarca de afiliación.

1º de Maio

Plataforma de convenio CIG 2015.

Art.2.- Ámbito temporal

            Este convenio terá vigor desde o 1 de xaneiro de 2015 ata o 31 de decembro de 2016.

Art.3.- Ámbito persoal (2º parágrafo)

            Estenderase a todos os traballadores de Alcoa Inespal A Coruña S.L. quedando excluído o persoal considerado de Alta Dirección pola lexislación vixente. Para o persoal que ocupa postos denominados de función directiva(PFD), sen menoscabo das súas condicións laborais actuais, respectarase en todo caso o contido deste convenio con carácter de mínimo.

Art.4-Denuncia

            O presente convenio quedará denunciado automáticamente con tres meses de antelación ao seu vencemento , prorrogándose o actual ata a entrada en vigor do seguinte.

Art.4.1.- Descolgue salarial

Previo acordo coa representación dos traballadores, os compromisos en materia salarial contidos no presente convenio non serán de aplicación no caso que a empresa acredite perdas nos dous últimos exercicios, correspondendo en tal suposto o mantemento retributivo do convenio anterior.

            A efectos de aplicar esta cláusula, as partes acordan someterse as seguintes normas:

A duración do descolgue non poderá durar maís dun ano.       

            Comunicar por escrito ao comité de empresa o inicio do procedemento de descolgué, que iniciará un periodo de consultas de 30 días. Ao inicio deste período a empresa fará entrega ao Comité da Memoria explicativa das causas, balance de contas e resultados dos dous últimos exercicios, orzamento e previsión do ano en curso e o aforro que vai ter con estas medidas, etc.           

            Dentro do acordo ten que figurar de xeito obrigado a forma e o tempo para recuperar os dereitos perdidos polos traballadores, así como o compromiso o remate dese ano de actualizar os novos salarios de convenio.. 

Art.4.2.-Extinción de contratos por causas obxectivas.

            En caso de producirse despidos por causa obxectivas crearase una Bolsa de Emprego cos traballadores despedidos, co compromiso de que no momento no que a empresa recupere a actividade normal terá a obriga de contratalos por orde de antigüidade na empresa e entrada na bolsa.

Art.12.1.- A permanencia no nivel oito non poderá ser superior a un mes.

Ar14.1.- Réxime de traballo a quendas

            Aqueles traballadores maiores de 50 anos, que leven prestando sevicio a quendas por un período superior a 20 anos poderán cambiar o seu réxime de xornada laboral de quendas a xornada se no departamento existen postos de traballo a xornada normal, ou a quendas de mañá e tarde.

Art. 15.-Excedencias

            15.1.-Excedencia especial por motivos familiares

            Os traballadores que teñan unha antigüidade mínima dun ano terán dereito a desfrutar dunha excedencia especial dun máximo dun mes de duración  para atender ao cuidado dun familiar ata o segundo grado de consanguinidade o afinidade, que por razons de edad, accidente, enfermidade ou discapacidade non poda valerse por sí mesmos. Dita excedencia especial poderá ser fraccionada en dous periodos de 15 días en cada semestre. Mentres dure o período da excedencia o traballador cobrará o salario mínimo interprofesional, e será computable como tempo traballado a todos os efectos. A finalización do mesmo, o traballador incorporase automaticamente a seu posto de traballo.

Art.19.- Xornada

A xornada en cómputo anual será de 1672 horas.

Art. 20.- Calendarios laborais (punto 3)

            3.- Persoal de quenda: o seu calendario laboral é o que se acorde co comité de empresa. O seu horario será de 6 a 14 horas, de 14 a 22 horas, e de 22 a 6 horas. Os calendarios publicaranse antes do 15 de decembro do ano anterior a súa aplicación.

Art. 23.- Vacacións

            23.1.- Duración  

  

            As vacacións anuais serán de 31 días naturais consecutivos                            (equivalentes a 23 días laborables do calendario de traballo de cada posto), gozados no período comprendido entre o 20 de xunio e o 10 de setembro, salvo pacto individual co departamento.

            23.2.-Igual

            23.3.-Igual

            23.4.-Calendario

                        O persoal indicará ó seu departamento, antes do 15 de Marzo as datas nas que desexa as vacacións. Cada departamento publicará o calendario de vacacións antes do 1 de abril. Os traballadores terán de prazo ata o 10 de abril para facer as reclamacións que consideren oportunas, e a empresa disporá de dez días para contestar estas reclamacións. En caso de non contestar nese prazo darase por aceptada a reclamación.

                  Pasado esta data serán aceptados os cambios pactados entre compañeiros, da mesma quenda ou xornada, con  funcións ou especialidades análogas.

            En caso de desacordo das partes , a xurisdición competente fixará a data que  para o desfrute corresponda e a decisión será irrecurrible. 

Art. 24.- Permisos retribuídos

            Todo igual ata:

            Dous días por  enfermidade grave, hospitalización ou intervención cirúrxica sen hospitalización que requira repouso domiciliario de conxugue, pais avós, fillos ,netos e irmáns, tanto naturais como políticos. Poderá facerse uso desta licenza mentres dure o feito causante.

            Seguinte parágrafo eliminado

            Resto igual.

Art. 30.- Estrutura retributiva

            Engadir no 30.2 e no 30.3.3 os seguintes conceptos:

            -Prima de preventivo

            -Cortocircuitado de cubas e traballos en pontes arranca agullas e máquinas sobre cubas. (Duplicar a contía)

            -Plus de transporte. Compensar aos traballadores que viven fora do concello da Coruña por non ter a posibilidade de acceder ao bus de fábrica por cada día de con 20 céntimos por Km de distancia dese a súa residencia habitual á fábrica.

            -Plus líder.

Art. 31.- Contía retributiva

            Incrementos salariais:

            O incremento salarial será o seguinte:

            1200 euros anuais en salario base para todas as categorías. En todo caso quedará garantido un incremento do IPC real en tablas se este superase 1200 euros anuais.

Art. 49.-Comedor.

            Todo igual ata

            1. Familiares do cadro de persoal da fábrica: pais e irmás coa limitación de un por día e a unidade familiar, cónxugue e fillos ao completo.

            Resto igual.  

Art.60.Reduccion de xornada por garda legal e coidado de familiares

            Quen por razóns de garda legal teña ao seu coidado directo algún menor de 12 anos ou unha persoa con discapacidade física, psíquica ou sensorial, terá dereito a unha reducción da xornada de traballo diaria, coa diminución proporcional do salario entre, polo menos un oitavo e un máximo da metade da duración daquela.

            Terá o mesmo dereito quen precise encargarse do coidado directo dun familiar, ata o segundo grado de consanguinidade o afinidade, que por razón de idade, accidente ou enfermidade non poda valerse por si mesmo.

            O proxenitor, adoptante ou acolledor de carácter preadoptivo ou permanente,  terá dereito a unha reducción de xornada, coa diminución proporcional do salario de, polo menos , a metade da duración de aquela, para o coidado, durante a hospitalización e tratamento continuado, do menor a seu cargo afectado por cáncer(tumores malignos, melanomas e carcinomas), o por calquera outra enfermidade grave que implique un ingreso de longa duración e requira a necesidade dun coidado directo, continuo e permanente.

Art.62.- Flexibilidade da xornada

            Cando ambos proxenitores traballen na empresa, para os casos contemplados no artigo 60, os traballadores poderán solicitar que as súas quendas de traballo non coincidan ou  a faltar unha hora ao traballo, na entrada ou na saída, de forma alternativa. Esa hora non será retribuída.

           

Art.63.- Lactación

            Nos supostos de nacemento de fillo, adopción ou acollemento, para a lactación do menor ata que este cumpra dez meses, os traballadores terán dereito a unha hora retribuída de ausencia do traballo , que poderán dividir en dous fracciones ou substituir por unha redución da sua  xornada de media hora ou  acumulalo en xornadas completas.

            A concreción horaria e a determinación do período de disfrute do permiso de lactación e redución de xornada, previsto no artigo 60 e no 63, corresponden ao traballador , dentro da sua xornada ordinaria.